رواية عائلة من جهنم الحلقة العاشرة كاملة - بنوتة الشيخ
رواية عائلة من جهنم انتشرت ك النار في الهشيم في الشهر الجاري , تلك الروايه هي اجدد روايات الكاتبه الليبيه بنوتة الشيخ والتي يطلق عليها اسم اروى طاهر المسلاتي . .. لم تصدر حتى الان الحلقة العاشرة ولكن سيتم تحديث المقال قريبا ,, عاود زيارة هذا الموضوع لاحقا ..
ونجحت الكاتبه في التحكم بالاحداث في القصه بشكل كبير , بمجرد ذكر اسم بنوتة الشيخ تعرف بسرعه ان تلك الروايه جيده للغايه وتستحق القراءة , ومن الممكن ان تنهيها في جلسه واحده ...الشامخ:بدون مقدمات...يتقعدي هنايا في القصر
متقعديش ع الفاضي
ايه:قصدك؟!
الشامخ:منخليش حد غريب بينا
ايه:وانا مش غريبه
الشامخ:بدييتي غريبه من لما توفى خوي
ايه:ابتسمت بي استهزاء...وكيف نبدا مش غريبه؟
الشامخ:خذي نفس...غيث...
______________________
قمر:نزلت من سريرها بعد ما مشي غيث لي غرفته وخلاها
لبست شبشب وغطت شعرها بي برنوص
وخدت كلينكس تمسح في دموعها قبل ما تطلع من غرفتها
مجد:وين ياحلو
قمر:ايااااه علينا عاد هيا الحكايه ناقصه
مجد:خيرهم عيونك؟تبكى ولا!
قمر:اي كنت نزفت
مجد:علاش شن صاير؟
قمر:خنقتها العبره وبدت تحكي وهيا تبكى...يلي صاير انكم عيله مريضه كأن ربي خالقكم من جهنم
مش من طين يلي صاير اني مضايقه وفااااده منكم كلكم
مجد:لالالالا عاد مش حلوه وانتي تبكى ...وقرب بيحضنها
قمر:بعد من عليا شن قاعد ادير !؟
مجد:حك رقبته بتوتر ..اسمعيني واضح انك مضايقه
واختك قاعده معاك في الدار ..شن رايك تجى داري
نهدرزر براحتنا
قمر:تمسح في خشمها...منبيش نهدرز بعد من طريقي بننزل
مجد:تكنطا وقعد يتكلم وحاط صبعه على راسها...هوا امتى بتشغللللليه؟؟؟امتى فهميني
نهاية هاذا كله انتي من نصيبي
قمر:عقدت حواجبها وعيونها حمرررر...قهرتك مش نصيبك
مجد:خذي نفس...لعند توا نحاول نقرب منك عشان من هنايا للعرس نكونو واخذين على بعض بس انتي رافضه ...فكري كويس وطاوعيني واسمعي كلامي
مره مره تقعميزه في داري مش رح اضرك لعند نتزوجو ووقتها نطلعو من هنايا ونديرلك يلي تبيه ونستقلو بروحنا
قمر:كملت خلاص؟!...ربي يشفيك من الاوهام يلي عايش فيها
مجد:مسكها من يدها...مدام انت هكي وتي روحك للمعامله كيف بتكون بعد الزواج ومتلومينيش
قمر:مش انا يلي م.....
غيث:قايم حاجبه ويبطم في كم سوريته...صاير شي؟
مجد:نزل يده وتكلم وهوا يبتسم...لا شي!
كنت نهدرز انا والمرا المستقبليه
غيث:اشرلها بمعنى انزلي
قمر:نزلت وسيبتهم
غيث:قرب وهوا يساوي في ملابسه..رد بالك اضايق حد هنايا
راجع تصرفاتك الفتره الاخيره مش عاجبتني
مجد:ليش شنو قلت انا؟ولا تنكر ان قمر مش لياوتعارض قانون جدى يلي كنت ديمه واقف معاه ضد الكل ؟
غيث:مسح على كتف مجد...ثاني مره نقولك رد بالك !
اكتر من هكي مش رح نزيد ...وسيبه ونزل
مجد:ابتسم...المره هاذي بناخد منك وكلمه واحد مش رح تقولي لانك طول عمرك كنت تحت رجلين جدي ورح تقعد هكى🔥
ايه:غيث؟..حفيدك الكبير صح؟
الشامخ:اي حفيدي الكبير والكبير الله
ايه:خيره؟
الشامخ:وقف بغرور مدامك بتقعدي هنايا ونص القصر ليك
لازم تكوني فرد من العيله
ايه:ساكته وكأنها فهمت لي شنو يلمح!
الشامخ:زواجك من غيث ...هاذا الحل
ايه:بهدوء تكلمت...ولو رفضت؟
الشامخ:نلجأ للحل الثاني والحل الثاني مش رح يعجبك
ايه:الحل الثاني هوا عمايلكم الوسخه صح!؟
يعني في احتمال تقتلني عشان الورث
الشامخ:استغفر الله
ايه:متستغفرش قدامي ...كنت نسمع فيك انت وخوك شن تحكو وكل شي نعرفه
الشامخ:ساكت وميبيش يوري صدمته
ايه:كان حتى حقير الله يرحمه عيله واطيه
الشامخ:منسمحلكككككش
ايه:خذت نفس وتساوي في روحها ....ع العموم
قرار حلو يلي خذيته
غيث شاب وصغير في السن شخصيه وقنين
نكون غبيه لو رفضت عرض زي هاذا
الشامخ:قعمز ورافع راسه...نفهم انك وافقتي
ايه:اكيد
الشامخ:حلو في هاذي طلع عندك شوية عقل
ايه:ابتسمت...تصبح على خير
الشامخ:ساكت ويراقب فيها كيف طالعه .
زواج ايه من غيث كان اكتر شي لازم يصير في حياته والا القصر ينقسم والعيله تتفكك وتطلع على شوره
ومعش يبدا عنده اي اهميه !!
_____________________________
قمر:مسحت عيونها وخشمها...منزلني توا في الصقع هاذا عشان نقعمزو في السياره؟
غيث:انسب مكان نحكو فيه
قمر:منزله عيونها...في شنو بنحكو؟!
غيث:بيتكلم بس قاطعاته....
قمر:مفيش شي ينحكى فيه اصلااا...قول انك منزلني باش تشوفني مكسوره بعد ما كنت واثقه اني بنسيب الزباله هاذا وبنطلع
وانت معاندني ...لكن اهو ربحت تمام ؟
لوحت الكلينكس على وجه غيث...وهادم دموعي وهاذم عيوني شفتني كيف بكيت؟!خلاص ارتحت؟
غيث:ساكت ويشوفلها
قمر:نهارت بي البكى مره تانيه وتشوف لي الروشن ...حسبي الله فيكم على حرقة قلبي
مش مسامحه حد فيكم وبندعي عليكم واحد واحد تو تشوفو
غيث:كملتي؟
قمر:يدها على خدها وتشوف لي الروشن...تنهدت بشهقة بكي ...اي
غيث:اشبحيلي
قمر:معدلتش عليه
غيث:اشبحيلي قلت
قمر؛مسحت عيونها بي كم يدها وشافتله ..ها؟
غيث:مسحلها دمعتها يلي عالقه بين رموشها بصبعه
والشي هاذا خلى قمر تنصدم من لمسة غيث ليها
غيث:نزل يده....رح تتعودي
قمر:هه رح تتعودي !..نسحابك بنزلني بدير ثمره ولا حتى تقول كلمه باهيه بكن من اول يوم تدوي في نفس الكلام...فتحت الباب بتنزل لكن لقاته مسكر
غيث:مفيش نزول
قمر:اتكت ع الكرسي وحطت يديها على وجها وبدت تبكي...ياربي بنتفجررر خوذني وريحني من ها الدنياااااااا بس
غيث:يتفرج عليها وساكت !....
قمر :نحت يديها من على عيونها وضرباته على كتفه بغل ...وانت زيد تفرج هكي ومد وجهك بلا فايده زي جليله
غيث:ابتسم بدون صوت
قمر:مسحت عيونها وبدت تاخد في نفس...انا حاسه راسي بيتفجر بكيت هلبا اليوم
افتحلي السياره بننزل نرقد
غيث:مش باهي الانسان يرقد وهوا مضايق
قمر:حطت يدها على قلبها...واااو بجد واو مهتم بيا ومثقف كيف نقدر نشكرك بس!
غيث:هز راسه يمين يسار وهوا يبتسم وولع السياره
قمر:وين بنمشو
غيث:كملي بكي وانتي ساكته
______________________________
حوريه:طالعه من الدوش ....بسم الله شنو يلي في خليقتك هاذا؟
وفاء:ماسك القهوا هاذا يعطي نضاره للوجه تقتل
حوريه:عرسك امالا
وفاء:غضوا عندي موعد
حوريه:تمسح في شعرها ..مع منو ياحسره؟
وفاء:نبصر ...غضوا ماشيه لي اريام مع امي
حوريه:والماسك لي منو مدايرتيه
وفاء:وااااك وااااك لي عمري لمنو يعني تسحابيني زيك في العراس بس نهتم بروحي
حوريه:ربي يلطف بحالك
وفاء:وحاللك
___________________
ترن ترن ترن
زيد:يمسح في طروف السياره يلي جنبه ...الو
مفيش حد تكلم !
زيد:اللوووو
صوت بنت :زيد!؟
زيد:اي ان شاء الله ..تفضلي؟
مفيش حد تكلم
زيد:الوو؟؟!مني معاي؟
تسكر الخط !...وزيد مهتمش بي الموضوع رجع التالفون في مكانه وكمل خدمته بدون مايفكر منو يلي اتصل بيه !
____________________
راضيه:تعبتتت خلاص فديت ياسر من هاذا كله امك نكدتلي عيشيتي الاسبوع هاذا كله انا يلي نغسل ونطيب ونلمح والحوش لوطه كبيررررر
محمد(راجلها):من يوم يومك عارفه امي هكى شنو يلي تغير
راضيه:يلي تغير ان اكتر من هكى معش نتحمل خلاص
محمد:قام كم سوريته ويرفس في البازين..والحل في رايك؟
راضيه:مربعه يديها وتهز في رجلها ...نبي الطلاق
محمد:هههههههه..ع اساس انا يلي منبيشى
اخخخ بس لو الحكم في يدي راهو قداش ليا مطلقك وواخذ سيد سيدتك...لكن قانون العيله لازم نمشو عليه
راضيه:ومش رح يجى الحكم في يدك لانك دلدووول ومش راجل انت وخوتك كلهم مش رجاله
بي شناباتكم وقاعد بوكم يصرف عليكم ويتحكم فيكم
محمد:كمل ماكلته بدون ما يعبرها
راضيه:اي كول كول هاذا بدل ما تنوض تعطيني كفين
محمد:فمه معبي...متستاهليش حتى دفله
راضيه:افففف...وناضت من جنبه
غيث:نزل من السياره..وسكر الباب
اما قمر قعدت ساكته وتراقب فيه من الروشن
خش غيث للمحل سلم ع صاحب المحل هدرز معاه شويه وطلع ...ركب في السياره ولوح كيسه معبيه على قمر
قمر:فتحتها وكانت الكيسه معبيه شكاليط وشيبس وحلوه ...شن هاذا 😧؟
غيث:يولع في السياره...نشبح فيهم في الفيس يكتبو علاج الاكتئاب عند البنات
قمر:ابتسمت...يارب المره الجايه يكتبو الشرق علاج للاكتئاب عشان نمشي ونتفكى منك
غيث:دور وطلع بي السياره ...هاذي بعيددده على خيالك حتى لو كتبو انه علاج للموت نخليك تموتي بين يديا ومتمشيش
قمر:في سرها...بين يديا؟!شن يخرط هاذا
غيث:حرك عيونه من على قمر ووجهم ع الطريق وهوا يبتسم
______________________
اماني:فاتحه اللاب توب وتتصفح...امينه بتمشي بكرا
امينه:وين؟
اماني:حوش اريام!؟امها ووفاء ماشيين
امينه:بي شك....وفاء؟؟ليش ماشيه
اماني:مصح وجهك اختها شنو ليش ماشيه؟
امينه:توترت....تي لا نسحاب في شي بس
لان اريام مقالتش ماشيلها...زعمى متعلمش؟
اماني:مش عارف ...سكرت اللاب توب
انا بنوض ندير ميكب خفيف وعطر وننزل اندير نسكافي
امينه:علاش ماشيه لي حفله ولا سهريه؟!
اماني:لا ياعمري ...ماشيه اي غرفة غيوثي حبيبي وراجلي المستقبلي
بنحسبه في النسكافي ونحاول نفتح موضوع معاه
امينه:ان شاء الله ميعطيكش كلمه تخليك اتلفي ودوري في مكان واحد
اماني:لوحت عليها المخده...ان شاء الله فيك
وطلعت
_____________________
قمر:ماسكه الكيسه يلي جابهولها غيث...وتوا ممكن تفتحلي الباب؟
باش ننزل ناكل رزقك؟
غيث:ابتسم ...اي ممكن
قمر:فتحت الباب بس غيث مسكها من يدها
غيث:استني
قمر:شافت لي يده بعدين شافتله هوا ...شنو
غيث:سكت شويه بعدين تكلم....كوني متأكده رح يجي يوم ونرفعك لي الشرق تشبعي من خوالك
مش رح نخليك هكى حزينه ومكتئبه
قمر:ولا رح نصدقك ....لين نشوف بي عيني
غيث:تمام
قمر:باست يدها وحطتها على كتفه....هاذا اسف عشان ضربتك
غيث:وجها احمررررر
قمر:عارفه انك زي العجل الضربه متعي ولا حسيتها
لكن باش منطلعش قليلة ذوق وهكي
غيث:به انزلي
قمر:نزلت وسكرت الباب ....
غيث:يتفرج عليها من الروشن كان منضرها يضحك تجري زي البطريق وماسكه الكيسه
كل مره اطيح منها حاجه تاخد فيها وترجع تجري
غيث:بدت الابتسامه تختفي من على وجها !...لما شاف قدام عيونه صورة قمر لابسه فيلو وجنبها مجد
ويتهيل في نضرة الانتصار في عيون مجد
رواية عائلة من جهنم كاملة بنوتة الشيخ
قمر:تتسحب بشويه في الدروج لين خشت لي الدارجنى:راقده وماسكه فونها...وين كنتي
قمر:سكرت الباب بشويه وحطت الكيسه ع السرير ...متسألينيش
جنى:عقدت حواجبها....وهادم من وين؟
قمر:نحت البرنوص وتفرد في شعرها...من غيث
جنى:غيث؟ليش؟
قمر:اففففف جنى افففف مكتر دوتك
جنى:بلاش ....ورجعت عيونها في التالفون
قمر:قامت حاجبها وربعت يديها....هاذا شنو يلي تحت سريرك؟
جنى:بتوتر....شنو؟
قمر:طلعت صندوق الكندر ....من وين هاذي؟
جنى:اءء هادي هادا الصندوق
قمر:عندي عيون ونشوف فيه صندوق ...من ويننن؟
جنى:بلعت ريقها ...ماما جباته بكري
قمر:ماما صار؟به تو نسألها وناضت
جنى:لالاالا قمر استني الله يخليك
قمر:احكي توا
جنى:اففف قمر به معش تشوفيلي هكى تخوفي
قمر:هياااا
جنى:كندر امس زعلني وبعدين جابلي شكلاته يصالحني بيها
قمر:الكندر جابلك كندر؟
جنى:اي
قمر:عليك عيله غريبه
جنى:ساكته تراجي في رد فعل اختها
قمر:شن علاقتك بيه؟
جنى:مصحك قمر....ولد عمي اي علاقه
قمر:حطت يدها في نصها
جنى:شابكه يديها في بعض ...هوا صح دمه خفيف وهكي !!...
قمر:قامت صبعها بتهديد ...نسمع بي شي غلط بتاكلي طريحه انتي وياه
جنى:هزت راسها بخوف ...امبه حاضر
قمر:عطتها بضهر وقعمزت تتفرج غيث شنو جابلها
جنى:اووه الحمد الله
____________________
طق طق طق
غيث:وهوا يبتسم...خشي خشي
اماني :فتحت الباب...كيفك غيث
غيث:اختفت ابتسامته بعد ما كان متوقع انها قمر جايه بتطلب حاجه زي العاده !...اهلين
امانى:درت نسكافي قلت نحسبك
غيث:صحيتي حطيها ع الطاوله
اماني:رجعت قصتها ورا وذنها....اءء شن حال الشغل معاك!؟
غيث:قام حاجبه مش متعود على سؤالها ...تمام كويس
اماني:دوم ...ماما قالت ان بكرا طالعين زرده في المزرعه
غيث:اي قالي جدي
اماني:خاطرك في اكله معينه او شي نديرهولك بكرا؟!
غيث:يخدم ع اللاب توب ...لا صحيتي
اماني:اوكي ...شنو ادير ؟
غيث:قام حاجبه وبعد اللاب توب من عليه...تبي حاجه انتي؟!؟
ناقصك شي؟!
اماني:نصدمت ....لا سلامتك
غيث:اهاا...نسحابه في شي غير عندي شغل وحسابات لازم نسلمهم بكرا منبيش نعطل
اماني:اهاا اوكي تمام
غيث:رجع يكتب ...
اماني:طلعت وسكرت الباب
_________________________
قمر:كملت الليل ساهره ..تتفرج ع الافلام وتاكل في الحجات يلي جابهم غيث
فجآه ضحكت لما اذكرت وجه غيث الاحمممر لما حطتله البوسه ع كتفه .
اما وفاء رقدت مضايقه بعد ما سمعت ان المشيه لي حوش اريام التغت وبكرا كلهم ماشيين للمزرعه
اماني كانت محروووقه من معاملة غيث ليها برسميات ونهائي مطولش معاها في الدوه وحتى شبه لزها من داره !!
جيهان كانت اول ليله ترقد بدون ما تسهر مع زيد ع السطح !
استغربت كيف ما اتصلش بيها ولا دورها من لما داوتله يده
الشامخ كان متريح من ناحية غيث وكان متأكد ان غيث رح يوافق لان غيث مستحيل يرفض طلب لي جده مهما كان !
ثاني يوم
في الصاله :-
كلهم في الصاله والشباب يركبو في البضاعه في السيارات
صالحه:هيا انتي وياها بلا تفتفيت
راضيه:مسكره على سنونها....ياااارب متخلينيش ندير جريمة في العزوز هاذي ياارب
جليله:اسكتي فكينا لمي صغارك واركبي مع راجلك
صالحه:هدى خديجه اركبو مع مجد
وفاء وحوريه وامينه مع زيد ...ينات سميه مع غيث
والباقي مع فرخ محمد
جنى:منو محمد؟
قمر:الكندر تقصد
الكندر:اهلين امي اهلين نساوين عمي اهلين عيلتي الكريمه
يشترط يلي يركب معاي يكون قلبه قووي فكونا من العياط في نص الطريق تربحو
الشامخ:السرعه تفوت ال60نتصرف معاك
الكندر:شنو 60 حتى في زحمة السريع مش هكي
الشامخ:اني تكلمت
الكندر:به
طلعو كلهم بدو يقسمو في روحهم ع السيارات وطبعا هلبا مسمعوش الكلام !
اماني ركبت مع غيث وجنى هربت منهم وركبت مع الكندر .
رواية عائلة من جهنم
حوريه:راكبه مع خوها غيث من القدام ..غيث افتحلنا حاجه حلوهغيث:يدخن ...اهو قدامك افتحي
حوريه:شافت لي اماني بفرح
غيث:كان يسرق في نضرات ع المرايه ويتفرج مره مره ع قمر
وقمر كانت في عالم تاني راااااقده طول الطريق .
____________________
جنى:مقعمزه في السياره بروحها في المقعد الخلفي
ويلي يسوق الكندر ويلي جنبه صالحه
جنى:تاكل في الشكلاته وبعتت مسج للكندر...من امس تقولي اركبي معاي نهيج عزوزة القايله يلي جنبك شنو جيبها هاااا؟
كندر :يسوق بشويه ورد عليه بمسج...منعرفش الزح انصدمت لما ريتها مقعمزه
جنى:شبحتله بنضرت سم في المرايه وبعتتله مسج
اقعد فيها كان مزال ركبت معاك زيد ركب العزايز
كندر:شاف المسج ورجع التلفون مكانه ..حناي
صالحه:ها
كندر:البسي حزام الامان
صالحه:كيف يديرو فيه هاذا
كندر:قعد يساعد فيها لين لبساته وشاف لي جنى في المرايه
جنى:قلبت عليه عيونها
كندر:علا صوت المسجل
صالحه:نقص عليا العفن
كندر:على السرعه وصلها 180ويجتاز في السيارات وصالحه تعيط
صالحه:وووه عليا ووووه بتقتلني مزال صغيره وقفف وقفففف الله لا تربحك
وكندر مستمر !
شافه زيد ....خيره هاذا؟!
وفاء:سعدوودهم زيد ونبي دير زيه
زيد:ابتسم بخبث وعلى السرعه حتى هوا وبدي يتسابق مع الكندر ومهيجين في الطريق الزوز ويجتازو في السيارات
امينه:خيرهم هاذم
هدى:هبال مفرخ زيد العاقل هكي
الشامخ:تو نوريهم غير نوصلو
مجد:بدي يعلي في السرعه بشويه بشويه لين تقوت
الشامخ:اهدا يافرخ اهدااااا
مجد:لحق عليهم حتى هوا وبدي يتسابق
حوريه:شنو قاعد يصير ؟!
اماني:حي عليهم ريتيهم بيهبلو
قمر:تحك في عيونها ...امالا زي النكد يلي عندنا؟
ياريتني ركبت مع مجد من الكساد لين خداني النوم
صالحه:وووووه عليااا فقرات ضهري وووه
جنى:صايخه بضحككك
مجد:فتح الروشن وهوا يجري ع اليمين زيد وع اليسار مجد
مجد:14الدقيقه تكون قدام بوابة المزرعه
زيد:نتحداك
الكندر:الخاسر عليه المبكبكه
الكندر قاعد مكملش كلامه فجآه تسبقهم سياره زي الطلقه تفوت من جنبهم وكلهم مصدومين
كندر:غيث؟
زيد:حي علمااا😨
مجد:بدي الجو ....ولحق بسرعه
غيث:يسوق بسرعه مش طبيعيه ويسطرب في نص الطريق وقمر قريب هبلت من الخوف .
مجد يزيد في السرعه بتحدي ومش مهتم بكلام جده وغيث محدش يغلبه في السواقه لان عنده معرض سيارات وخبررره
محمد:حي عليهم من بوي اليوم ال4
الهاشمي:خليهم ينحرفو شويه بالله
خالد:اييييي يادنيا تذكر ايام البيجو
محمد:هههههههه احلا ايام يا حسره
_____________________
درس غيث اول واحد ولحقو الباقي
جنى:نزلت تصفق....حنى الترتيب الثاني يييييي
زيد:درس السياره ...معلم ياغيث
غيث:سكر الباب بعد ما نزل...وقت ما نبو بس
وخبط بهدوء ع روشن قمر يلي كانت تشوفله بصدمه !!
بدو ينزلو في البضاعه وطبعا كندر وزيد بس يلي كلو هزايب
نصف ساعه واقفين وجدهم يهزب فيهم
اما غيث ومجد لا لانهم حبايب قلب جدهم طبعا
رتبو البضاعه كلها طاوله على العشب عليها جميع انواع الكيكات والخبزه والماعين عشان الشوايات والبرديم
اما الشامخ مقعمز قدام الباب على كرسيه ويقرا في كتاب والسلفات كلهم متجمعات ع الحصيره يشربو في قهوا وشباب يجهزو للبرديم
وولاد الشامخ مقعمزين جنب بوهم ومدايرين العاله
راضيه:من وسط قلبي الله لا تربحها ولا تختم عليها
هدى:سكري فمك اسكتي خير ما تسمعك
خديجه:نمشو فيها كلنا بعدين
جليله:لان الشي مش واصل فيكم يا ماما من لما وصلنا هنايا كله على راسنا انا وراضيه
هدى:من العمل يلي درتوه كان في حالكم راهو مش هاذا وضعكم
جليله:المهم توا غيرو علينا السيره ...هذيكا خيرها بروحها
كلهم شافو لي ايه مقعمزه جنب حوض السباحه وعيونها في تالفونها يلي واخداته جديد مايشي يومين
هدى:راجلها ميت شن متوقعه منها مثلا!
جليله:حاسه وراها حاجه علاش ما روحتش لي اماليها ؟!
خديجه:كان ماياخدها الشامخ
راضيه:شيباني العازه مش قادر يوقف على رجليه .
سميه:مسكينه صغيره في عمر بنتي قمر
راضيه:اشبح شنو مدايره من عمله باش خدت شيباني مهدهد
هدى:ياويلك يا راضيه انتي ولسانك
_________________
جنى:متتعبش؟
كندر:يصور في المزرعه...لا طبعا
جنى:قعمزت وهيا ساكته
كندر:شنو الجو ؟!عجبك ولا شني
جنى:يجنن...انا متت بضحك على حناك خلااااص جنابي
كندر:حاله اقسم بالله
جنى:خذت نفس...يالله نخش انا
كندر:خليك❤️
جنى:انلا كمل انت تصوير تلقى شنو تنزل ع الستوري للمعجبات
كندر:اياااه علينا امتى بتنحيها الفكره هاذي من دماغك
جنى:لين نشوف بعيوني
كندر:كيف به
جنى:ضحكتله واشرتله بيدها...باي نتلاقو ع العشي
كندر:هبلتني هيا
___________________
وفاء :واخده تركينه بروحها تحكى ع الهاتف
وحوريه عالقه مع حناها مسكينه😂
اما امينه واماني مقعمزين جنب بعض ويصورو
جيهان:تفضل تبلتهم
زيد:مقعمز قدام الشوايه...شبحلها وابتسم
منوره جيهان
جيهان:بوجودك كيف حال يدك؟
زيد:ماشي حالها بخير
جيهان:دوم ...لو تبي تعقمها انا قاعده رد بالك تهملها تتلوث
زيد:عارف اي
جيهان:اوكي نخليك
زيد:لالا خليك
جيهان:نعم؟
زيد:خليك ساعديني و ...قداش ليك معش ركبتيلي شنو يلي صار؟
جيهان:معش طلبت مني
زيد:لين نطلب منك؟كنت حاسبك خلاص تعودتي عليا وبديت من روتينك اليومي
جيهان:فرحت لما عرفت ان يحس بنفس احساسي وفاقدني !!
زيد:معش تغيبي
جيهان:هزت راسها...حاضر
زيد:ابتسم...يالله مدي يديك معاي
جيهان:بدت تطرح في اللحم معاه ويعدرزو وتضحك مره مره .
رواية عائلة من جهنم كاملة
قمر:تحكى ع الهاتف وتحرك في يديها ساعه تامه لين سكرت الخط وقعمز ع العشب معطيه وجها بيديهاغيث:شنو مقعمزك هنايا؟
قمر؛انت ليش طالعلي في كل مكان ؟
غيث:الحق فيا كنت بنبهك المكان هاذا فيه عقارب
قمر:جت واقفه مكبشه فيه ورجليها مش لامسين الارض .....لالالالا نخاف منهم
غيث:يشوف اي منضرها كيف مكبشه في يده ورجله بيديها ورجليها....انزلي من عليا تحركي
قمر:لا بجديات غيث عندي فوبيا منهم زمان قرصتني وحده لونها صفراااا وووه عليااااااا يا امممممي
غيث:انزلي نبصر عليك بلا عار
قمر:قول والله
غيث:يشوف لي عيونها
قمر:غيث احللللف
غيث:مبتسم....والله نبصر
قمر:نزلت ع الارض وضرباته ....دراااه دراااااااااه مبردك انت وبصارتك
غيث:قرن حواجبه...انتي كأن تعودتي تمدي يديك؟؟
قمر:خافت...ماهو نبصر
غيث:ضحك
قمر:اول مره تشوفه يضحك لهدرجه سنونه كلهم باينات
غيث:اشرلها بحواجبه...تركبي؟
قمر:تلفتت شافت موطو صحراء...قول والله؟
غيث:والله
قمر:هيييييييييييييي
غيث:مشي وراها لين وصلو ..لبسها الخوذه بيديه
قمر:قعمزت ....البس حتى انت
غيث:مش ضروري...وركب
________________________
اريام:شنو تلحقني غادي؟!
عز الدين:والله ما عارف ...خواتك ماشيات ؟
اريام:اي 💔
عز الدين:سكت شويه...به البسي هي
اريام:في داخلها....والفقت عشان تشوفها؟!💔
ياترى هيا وفاء ولا حوريه؟؟
يارب صبرني لين نشدهم بي الثابت بسسسس
_______________________
قمر:شدت في كتاف غيث
غيث:شنو الشده المعاقه هاذي تبي اطيحي؟
قمر:تبيني نشدك من النص تسحاب روحك في فيلم هندي
غيث:تحملي امالا ...وطلع بي الموطو بسرعه
قمر:مسكاته من النص وتعيط بطول حسها عاجبها الجو
اماني:تشوفلهم من بعيد ....اكيده ادحنست عليه الحقيره هاذي وغيث ميردش في حد
بسيطه ياكلبه تو نوريك
جيهان وزيد كملو ترتيب السفره بمساعدت نساوين عمهم وبدو كلهم يجتمعو على الغدي
غيث:وقف الموطو ونزلت قمر دايخه
قمر: ...ووه الدنيا ادور
غيث:مسكها قبل ما اطيح.....هي هي ردي بالك
قمر:باست يدها وحطتها في خده...هاذي لانك هيجت بيا وطلعتني من الاكتئاب
غيث:احمر وجها ...اقلبي وجهك الغدي تحركي
قمر:حطتله الخوده على راسه ....وتباعدت عليه وهيا تضحك
غيث:بدي ينحي في القوانطي وهوا قارن حواجبه !
__________________
تجمعو كلهم ع السفره وجيهان تقول متزوجه هيا زيد تنحي في احسن حاجه لي غيث وتعطي فيه
اما جنى 24ساعه تحرق في دم الكندر وكل مايصور حاجه تقوله اي اي باش الزمزاكات يلقى سبله يكلموك ييها يردو ع الستوري طول
مجد:مزال يحاول يتقرب من قمر بس قمر عيونها كلهم على غيث وتضحك ع اللقطات يلي يديير فيه من بعيد
كملو الغدي وبدو بنات العيله يوزعو في الهوا والشاهي والكيكات وقعمزو يهدرزو كان الصوت زحمممه ودوشه
وقمر تناشب في غيث برسايل وهوا متوتر قدام العيله 😂
لين قاطعهم صوت الشامخ.
الشامخ:بما ان اليوم متجمعين كلنا في خبر لازم تعرفوه
كلهم شافوله بي انتباه
الشامخ:ايه مرت الغالي ...قررت انها لازم تكمل تعيش معانا ونردوها لي عيلتنا
صالحه:حطت يدها على قلبها...بصوت واطي قالت
بتجيب عليا ضره؟!
راضيه:تستاهل العزوز اليابسه هاذي
جليله:شافتلها بي فرح وضحك
الشامخ:قررت ناخد ايه لي حفيدي الكبير غيث عارفاته قد المسؤليه !!
الصددددددمه كانت على العيله كلهااااا
السلفات والبنات وحتى بنات العيله .
وولاد الشامخ كلهم
كندر:بصوت واطي وصدمه...يبصر؟
مجد:ابتسم بفخر
الشامخ:شاف لي غيث يلي كان مصدوووم ..حفيدي عارفاته يهني
غيث:مردش ...ولما قام عيونه شاف قمر تشوفله مصدووومه مش قادره تنزل عيونها لحضه..يتبع
رواية عائلة من جهنم الحلقة العاشرة كاملة
اعتاد موقع الروائي على البحث في مواقع الروايات من اجل معرفة الروايات الاكثر طلبا ويقوم فريق عمل الروائي ب جلب الروابط المباشره لكل الروايات التي نتحدث عنها وتجد رابط كل روايه اسفل المقال الخاص بها .يمكنك قراءة و تحميل رواية عائلة من جهنم الحلقة التاسعة من هنا
