رواية صديق زوجي حولني الي عاهره كاملة pdf

رواية ذات لقاء للكاتبه اماني عنان وهي رواية ناجحه للغايه وقد قامت الكاتبه

بنشرها من خلال صفحتها علي موقع التواصل الاجتماعي فيسبوك , وفي الحال قمنا بنقلها لكم..

 أنتي مراتي يا نشوي فاهمه يعني ايه 

تؤ .. ايدك بس كدا وبعدين نتفاهم

 انا بحبك وعايز يبقي لنا صور كتير مع بعض

ماقولتش حاجة بس احنا لسه مش متجوزين ولا مخطوبين اصلا عشان تحط ايدك علي كتفي ..

رجع علي لورا وهو متضايق جدا وبينفخ بس مش مبين حاول يتماسك زي الحرباية أما بتغير لونها عشان تتكيف مع الوضع الجديد وتنجو من اي خطر ..

قال بابتسامة

علي : لما نخلص جامعة اوعدك هنتخطب علي طول

نشوي .. بجد يا لولو

علي .. ههههه اوعي حد يسمع لولو دي يضحك عليا دي دلع بنت ..!

نشوي .. ماعرفش انا بحب الدلع دا عليك

قرب منها وهما في الحديقة وقال :

يعني خلاص صافي يالبن

بصت له ونسيت خالص أن التليفون في أيده قام رافع الفون ومصور فيديو كل الخروجه وهي مش واخده بالها ..من فترة للتانية يرفع شاشة التليفون ويجيب وشها ..

نشوي بسذاجه وعيونها العسلي بتلمع مع أشعة شمس الغروب قالت :

بلاش نتقابل تاني كفاية كلامنا فيس

علي .. نشوف الحوار دا بعدين

نشوي .. يعني ايه  احنا لازم نبقي متفقين

علي .. اكيد يابنتي مالك خايفه كدا هو انا هاكلك ..

نشوي .. مش قصدي بس بابا قاسي اووي ومابيتفاهمش لو حس بحاجة ممكن يقعدني من الكلية ..

علي بتعجب :

معقول دا انتي في رابعة تجارة بسهولة كدا يضيع عليكي الباكالوريوس ..

نشوي بتهز راسها بحزن وقالت :

يالا نمشي انا اتاخرت اوووي ..

علي .. قفل الفون وقال .. يالا بينا

في بيت هادي وشيك بعيد عن زحمة المدينة ساكن عمران وأسرته المتوسطة كمل 30سنة ومش بيفكر يتجوز ولا حتي مرتبط أبوه اسمه الحج اسماعيل الحاوي قرر يكلم صديقه ايام الجامعة ويخطب بنته من غير ما يقول لعمران عشان يوافق يروح معاه ويتمم الخطوبة ..

الاب .. عمران ممكن اتكلم معاك شويه 

عمران .. طبعا ي بابا ثواني بس ابعت الميل دا لناصر عشان الشغل ..

بتشتغل في ايه اليومين دول 

البلد واقفه شويه فبشتغل في المواد الٱستهلاكية ونفسي اووي اعمل مصنع بدل مانا موزع بس

الاب .. يااه مصنع مره واحده بضحكه واستدرتك لكلامه ليه لا ربنا معاك المهم احنا معزومين الليل عند عمك فهمي

عمران حط أيده علي دقنه بيفتكر ..فهمي فهمي  ايوااا دا صاحبك ايام الجامعة

برافو عليك

خير ي حج ناوي علي ايه ..اوعي تغدر بيا

دخلت أمه تخبي فرحتها وقالت

خد ياحبيبي عملتلك بلح الشام دا مخصوص عارفه انك بتحبه يارب الهانم تبقي بتعرف تعمله ..

عمران .. اديكي قولتي هانم يعني هشتريهولها جاهز

الام بتكشيره .. ياعيني عليا كان نفسي اتجوز حد زيك يا مارو والله يدلعني ويستتني كدا ..

الاب .. جري ايه ي ام مارو وانا مادلعتكيش

قام عمران واخد اللاب توب ومشي من قدامهم وقال :

لا في الحالة دي أخرج انا واسيبكم تشوفوا موضوع الدلع دا براحتكم ..

الام بتضربه علي كتفه .. بس ياولد

الاب .. ماتنساش ميعادنا

عمران .. حاضر يابابا لسه قدامنا تلت ساعات

الاب .. تفتكري هتعجبه 

الام .. هي مش حلوه

اكيد امال ايه

اوعي ياحج تخطبها لو حسيته مكشر ولا مش مرتاح ..

ماتقلقيش احنا رجاله وفاهمين بعض كويس ..

طيب .. مش عايزني معاكوا

طبعا دا انتي الخير والبركة بس يحصل اللقاء الأول دا وبعدين كله جاي ورا ..

ماشي .. هقوم اكوي لك القميص اللبني عارفاك بتحبه ..

ربنا ما يحرمني منك ابدا يام الغالي ..

الام .. غالي الا غالي دا هو اللي طلعنا بيه من الدنيا .. نفسي اشيل عياله وافرح بيه ..

إن شاء الله ..

واقف عمران وسامع كل حاجة .. نفخ بهدوء واتحرك بعيد عنهم وهو بيفكر هيعمل ايه  كان واخد وعد علي نفسه مايتجوزش الا لما يحقق نفسه وطموحه ومعتقد أن الستات بتأخر وكائنات رخمه ونكديه بس يظهر المرة دي لازم يغير رأيه ..

_____________________

فهمي ابو نشوي راح جاي في الشقة الواسعة في حي راقي وهو بيتكلم

كل دا بنتك في الجامعة ..

الام .. صبرك بس يا فهمي ماتتعاملش كدا المواضيع دي مش عايزا قفش

قفش .. جبتي الكلام دا منين يا شريفه 

من النت هو انا قديمة اوي ولا ايه

فهمي .. ههههه ماشي ي ناصحه بنت فين عايز افهم

هي كلمتني وقالت هتروح لصحبتها ساعة وجايه

انتي ماقولتلهاش علي موضوع العريس ..

شريفه .. لا خوفت ترفض فتتاخر اكتر

فهمي .. طب رني عليها

الام بتمسك تليفونها لقت الباب بيتفتح دخلت نشوي بحجابها البسيط حطت الكتب علي الترابيزة وهي بتفكر في لمسة ايد علي وفجأة فاقت علي صوت ابوها ..

اتاخرتي ليه ي نشوي..

بابا 

ايوا

حضرتك جاي بدري من شغلك

ايوا عشان في موضوع مهم

موضوع ايه

الام .. عريس حلو وابن حلال

دخلت نشوي علي اوضتها قبل ماامها تكمل شرح مواصفاته. . دخلت وراها بسرعة

قالت

ها ياماما كملي .. معني كدا اني لازم اوافق مش كدا ..

شريفه .. دا يبقي من حظك

شاب ذكي وطموح ومؤدب واحنا عارفين أهله ووحيد أمه و..

نشوي .. لا مش هشوفه

انجزي العريس علي وصول البسي كدا واتزوقي عشان تعجبيه ماتفكريش انك عشان رافضه هو هيمسك فيكي بالعكس لازم تقنعيه بعقلك وجمالك ..

قعدت نشوي علي السرير في حيرة ومسكت تليفونها وكتبت علي الرسائل ..

" علي انا متقدملي عريس "

رد علي

هههههههه احنا لحقنا تشغلي لي حوارات البنات دي .. بتتغطي عليا يا نشوي

لا انت فهمت ايه .

فكك بك من جو السهتنه دا ..

نشوي هو بيكلمني كدا ازاي 

بعتت رسالة تانية بس مش بتوصل لحد ماكتشفت أنه عمل لها بلوك بعد ماقال بتكبر

انا مابيتلويش دراعي بقصص وتأليف ..

نشوي بذهول :

في حاجة غلط ..