رواية صديق زوجي حولني الي عاهره كاملة pdf

رواية احببته وتزوجت اخيه الجزء الخامس 5 كاملة

الفصل الخامس😍

حبيبه فضلت مكانها مش قادره تتحرك ودقات قلبها حاسه انها سمعاها، قررت انها تبقى ومتروحش الدرس علشان متتقابلش مع مصطفى ويبان عليها وبالفعل حبيبه اتصلت ب منى علشان تعرفها

حبيبه:الو

منى: بيبه ،ايه مال صوتك كدا

حبيبه: تعبانه شويه

منى: حبيبتى من ايه انتى كنتى كويسه الصبح

حبيبه:مش عارفه بس فجأه حسيت انى تعبانه، عوزاكى تستأذنى من المستر علشان ميقولش حاجه

منى: طب اجيلك طيب

حبيبه: لا مش مستاهله ،روحى انتى علشان تستأذنى ليا

منى:ماشى ى حبيبتى خالى بالك من نفسك وانا هكلمك بعد الدرس اطمن عليكى

حبيبه :ماشى ،سلام

مصطفى لبس ونزل وفضل واقف قدام بيتهم ع امل أن حبيبه تطلع ويروحو سوا

حبيبه كانت واقفه ورا الشباك وعماله تبص عليه وشيفاه وهو واقف باين أنه مستنيها

مصطفى فضل واقف كتير وف الاخر قرر يمشى هو وقال لنفسه ممكن تكون خرجت بدرى

#ف درس مستر عبد الغفار

مصطفى دخل وقعد يبص يمين وشمال مكنتش حبيبه موجود

قعد جنب يوسف

مصطفى: هى حبيبه مجتش

يوسف: لا منى اللى داخله لوحدها وسمعتها وهى بتقول للمستر انها تعبانه ومش هقدر تيجى

مصطفى :أييه تعبانه ، افتكر مصطفى اللى حصل ، ضحك وقال مجتيش علشان مكسوفه

عدت ساعه ع درس المستر وكانو كلهم خارجين

مصطفى:يلا ى زفت هروح معاك

يوسف: ههههههههههه شوف رجعتلى زى البوبى تانى

مصطفى:هههههههه بوبى ى عره، دا علشان بس هى مجتش وبعدين معرف خوخه انى هسهر عندك النهارده بكره الجمعه بقى

يوسف: طب اسبقنى انت هسال المستر ع كام نقطه كدا

مصطفى: اشطا هستناك ف اخر الشارع بس اخلص متعمليش فيها دكتور

يوسف: هههههههه غصب عنك يالا

مصطفى مشى وقف ف اخر الشارع ، فجاه اتلم عليه شويه شباب ونزلوا فيه ضرب بعصيان ع جسمه كله

شافته منى جرت ع المستر الحق ى مستر شويه شباب ماسكين مصطفى ضرب

يوسف رمى الكتب من ايديه وطلع يجرى والمستر وراه

اول ما الشباب شافوهم جايين من بعيد سابوه وطلعو يجرو

مصطفى غرقان ف دمه ومرمى ع الأرض

يوسف :مصطفى

اخد تاكسى ومنى معاه اطلع ع المستشفى بسرعه

وصلو المستشفى

يوسف :دكتور بسرعه صاحبى بيموووووت

الدكاتره بسرعه خدوه ع جوا

استنى هنا لو سمحتو

يوسف : ياريتنى ما سيبتك انا اللى غلطان

منى : أهدى ى يوسف هيبقى كويس متقلقش

يوسف: أهدى ازاى انتى مش شيفاه دا غرقان ف دمه ، أهدى ازاى مين اللى عمل كدا مين

منى: افتكرت كلام حبيبه ،وحست أن اللى عمل كدا هو ايمن ، اه صح حبيبه انا لازم اتصل اعرفها

منى : طب انا هكلم حبيبه اعرفها

يوسف : بلاش احسن ما حد من اهلها يعرف

منى : لا متقلقش ، اخدت فونها وبعدت شويه واتصلت بيها

حبيبه: قلبى خلصتى الدرس

منى : حبيبه بصى أهدى كدا وميطلعش منك اى رد فعل صعب علشان اهلك ، ف حد عندك

حبيبه : ف ايه ى منى قلقتينى ، لا محدش هنا ف ايه

منى : حبيبه ف شويه شباب اتلمو ع مصطفى وضربوه جااامد ومصطفى غرقان ف دمه وانا ويوسف اخدناه المستشفى

حبيبه صرخت : ايييييه بطريقه هستريه بدأت تبكى جاااامد مصطفى انتى بتقولى ايه ، انتو ف مستشفى ايه

منى : احنا ف المستشفى اللى ع البحر

حبيبه قفلت ولبست ونزلت ع طول وقفت تاكسى وراحت المستشفى اول ما وصلت

حبيبه: بعياط جامد لو سمحتى ف واحد جه من شويه اسمه مصطفى هو فين دلوقتى

موظفه الاستقبال: أهدى بس ى انسه انا مش فاهمه حاجه من كلامك

منى جات بسرعه : حبيبه حبيبتى أهدى

حبيبه:أهدى ايه هو فين

منى :تعالى معايا

حبيبه طلعت تجرى ، لقت يوسف قاعد ع كرسى وحاطط ايديه ع وشه

حبيبه: يوسف ايه اللى حصل. مين الشباب دول وانت كنت فين

يوسف: أهدى بس ى حبيبه، انا معرفش مين دول بس وربى هجبهم وهطلع عين اللى خلفوهم أهدى بس ، هو جوا والدكاتره معاه ولما يطلعو هيطمنونا

حبيبه قعدت وفضلت تعيط: انا السبب ياريتنى كنت روحت الدرس ع الاقل كنت هبقى معاه

الدكاتره خرجو، راحو نحيتهم

دكتور اسامه: اهدو كدا دى مجرد اصابات نتيجه بس الضرب اللى اتعرضله ف اصابه بس هى اللى شديده شويه لأنها جات ع الدماغ بس الحمدلله جات سليمه

حبيبه: طب انا عاوزه اشوفه ينفع ادخل اشوفه

دكتور اسامه: هو حاليا واخد بنج هيفوق كمان ساعه ع الاقل

يوسف: الحمدلله انها جات ع اد كدا

منى : الحمدلله ، حبيبه يلا احنا نمشى ونبقى نطمن عليه

حبيبه: امشى فين ، انا مش هسيبه واروح ف مكان

يوسف بيكلم نفسه : ياريتك فايق ى مصطفى وتسمع الكلام دا ههههه

يوسف : تعالى اوصلك ف طريقى ، انا هروح اجيب هدوم لمصطفى

حبيبه: تجبله منين ، مامته لو عرفت ممكن يحصلها حاجه

يوسف: لا متقلقيش، انا هجبله من عندى

حبيبه: ماشى

منى :طب انتى هتفضلى هنا طب واهلك

حبيبه: اه صح ،فكرتينى انا نزلت من غير ما اعرف حد هكلم ماما واقولها انك تعبانه وف المستشفى وانا هبقى معاكى

منى ويوسف: ههههههههههههههههه

حبيبه: ايه مالكو

منى : هتموتينى علشان خاطر مصطفى

حبيبه وهى مكسوفه : بس ى جزمه ، يلا روحو علشان متتاخروش

منى ويوسف مشو

الممرضه طالعه من عند مصطفى

حبيبه: ممكن ادخل اقعد جنبه ومش هعمل ازعاج خالص والله

الممرضه: اتفضلى

حبيبه: شكرا جداااا

عند يوسف ومنى

يوسف: انا مش عارف اقولك ايه ولا اشكرك ازاى

منى : ع ايه

يوسف : علشان انك شوفتيهم وجيتى قولتى للمستر

منى اضايقت من طريقته الرسميه معاها ف الكلام

منى : لا العفو ، نزلنى هنا بقى شكرا

يوسف : هو بيتكو هنا

منى : لا بس عاوزه انزل هنا وانا هكمل لوحدى

يوسف : هو هبل وخلاص ، بس ى ماما لحد ما نوصل بيتكو مش عاوز الدماغ الناشفه تشتغل معايا

منى: نعم مين قالك تتكلم معايا كدا

يوسف: اسمها مين سمحلك، انا سمحت لنفسى اسكتى بقى

منى : اوووووووف

وصلو عند بيت منى، منى نزلت وقفلت باب التاكسى وبصت من الشباك ليوسف

منى : ابقى فكرنى مركبش معاك تانى

يوسف : يلا ى بت وانتى حلوه كدا

منى بكسوف وارتباك: دا انت بارد ومشت

يوسف: بارد بس بحبك والله، اطلع ى اسطى

#ف المستشفى عند حبيبه ومصطفى

مصطفى: اااااه

حبيبى: حبيبى انت كويس

مصطفى كلمه حبيبى صدمته ، بص لقاها حبيبه قام بسرعه قعد

حبيبه:اييه براحه شويه انت لسه تعبان وجسمك كله كدمات

مصطفى: سيبك من جسمى دلوقتى انتى قولتى ايه

حبيبه عملت نفسها هبله : بقولك انت كويس

مصطفى: والله لا اللى قبلها

حبيبه: مقولتش حاجه ، انت سمعت ايه

مصطفى : لا دا باين الخبط كان فوق دماغى كتير، انتى جيتى هنا ازاى

حبيبه: منى كلمتنى، وقالتلى

مصطفى بمكر: اشمعنا يعنى اقولك انتى

حبيبه بأرتباك : هااا يعنى علشان جيران وكدا

مصطفى :ههههه جيران بس

حبيبه: فيه حاجه تانيه

مصطفى : اه فيه هنشوفها بعدين الحاجه التانيه دى ، محدش عارف مين دول

حبيبه:لا محدش عارف ، سيبك انت من دا دلوقتى المهم تقوم بالسلامه

مصطفى:طب تعالى انتى قاعده بعيد عنى ليه انا تعبان مش هعمل حاجه

حبيبه:اتكسفت جداا من كلامه، وقربت منه وقعدت جنبه ع السرير علشان تبين ليه انها مش ف دماغها حاجه

مصطفى: شدها وحضنها وهى محاولتش انها ترفض حضنه

مصطفى: عارفه انا كنت بفكر ف ايه وهما بيضربونى

حبيبه بصوت ضعيف: ايه

مصطفى: فيكى خوفت يحصلى حاجه ومشوفكيش تانى

حبيبه اول ما سمعت كلامه دا قلبها وجعها وحضنته هى كمان وعيطت

حبيبه: بعد الشر انا كنت هموت من القلق عليك نزلت وانا تايهه ومش عارفه اروح فين

مصطفى أخدها ف حضنه جاامد وحس أنه خلاص كسب قلبها وأنها بتحبه

حبيبه بعدت عن حضنه ، مصطفى بصلها ومسك وشها ب ايديه ومسح دموعها ،

مصطفى:اوعى تعيطى تانى فاهمه طول منا موجود اوعى تعيطى نهائي ، اولع ف المستشفى والله ههههه

حبيبه:ههههههههههه انت ع طول كدا عاوز تولع ف كل حاجه

مصطفى: قولتهالك وهقولها تانى انا اعمل اى حاجه علشانك انتى تهون كل حاجه وتولع كل حاجه

حبيبه بكسوف بتحاول تخبيه:طب انا هفضل معاك هنا لحد ما تخرج

مصطفى: لا طبعا واهلك روحى انتى ومتقلقيش وانا بكره الصبح هخرج مش هقعد هنا كتير انا بتخنق اصلا من جو المستشفيات دا

حبيبه بعصبيه: لا طبعا مش هروح من غيرك انا هبقى معاك

مصطفى: خايفه عليا

حبيبه:........

مصطفى شدها نحيته وهمسلها ف ودنها: بتحبينى

حبيبه مقدرتش تقاوم جمال صوته لما قالها كدا ، حضنته وهو كمان حضنها جاااامد

حبيبه بصوت رقيق: ايوه

مصطفى: باسها من خدها وقالها انتى عارفه انا مبحبش حد ف الدنيا دى قدك لو الدنيا كلها ف كفه وانتى ف التانيه والله هختارك وانا مغمض

حبيبه حضناه وساطته مش بتتكلم مش عارفه ارد ع كلامه الحلو تقول ايه

مصطفى حب يفك الجو علشان حس انها مكسوفه ومرتبكه، لو اعرف ان دا كله هيحصل كان زمانى جبت ناس ضربونى

حبيبه حضنته جامد

مصطفى: ااااااه

حبيبه: أسفه والله نسيت انك متكسر

مصطفى: ايه متكسر دى لا دا انا جامد اوى ع فكره هما ولاد الجزمه دول اللى اخدونى ع خوانه

حبيبه: ههههههههه عارفه عارفه

مصطفى : بتتريقى

حبيبه ضحكت جاااامد وصوت ضحكتها رن ف الاوضه

مصطفى: يخربيت جمال دى ضحكه بس اقولك مع انها جميله واوووى كمان بس كدا ممكن نطرد من المستشفى

حبيبه كانت مكسوفه من كلامه وقالتله هقوم اتصل ع ماما واطمنها

مصطفى: مصممه برضو

حبيبه بصتله وهى رافعه حاجبيها : اتفضل عندك اعتراض

مصطفى: بعد رفعه الحاجب دى : ابدااااا هههههههه

حبيبه خرجت كلمت مامتها ف الفون وفهمتها أن منى تعبانه وف المستشفى وأنها هتبقى معاها وقفلت مع مامتها ودخلت عند مصطفى تانى

مصطفى : ها قالتلك ايه

حبيبه: قالتلى ماشى وابقى طمنينى

مصطفى: اه صح اومال الواد يوسف فين

حبيبه: راح يجبلك هدوم

مصطفى : ايييه راح البيت

حبيبه قاطعته لا راح يجيب من عنده هو متقلقش

مصطفى : طب تعالى ى روحى اقعدى جنبى

يوسف ف اللحظه دى دخل

يوسف : هههههه الله الله جنبك وروحى كمان

مصطفى: ى ساتر ايه اللى جابك ى زفت

يوسف: الحق عليا تصدق انا غلطان ، المفروض كنت سيبتهم يموتوك

حبيبه بتلقائيه : بعد الشر عليه

يوسف ومصطفى : ههههههه

يوسف : الله يسهلك ى عم مصطفى ، المهم جبتلك هدوم علشان تغير

حبيبه : اوك هاتها

يوسف: ههههههههه ايه هتلبسيه انتى

حبيبه: اتكسفت جااامد ، ايييه لا طبعا

مصطفى : بس ى زفت بطل كلامك دا، الممرضه هتلبسنى هى

حبيبه بصتله وعيونها بطلع شر: والله ى سى مصطفى وايه كمان